Курстың сипаттамасы:
"Орта мектеп мұғалімдеріне арналған “5-9 сынып тақырыптарын оқытуда математика мұғалімдерінің пәндік құзыреттіліктерін дамыту” біліктілікті арттыру курсы 5-9 сыныптарда оқытылатын күрделі тақырыптарды сапалы түрде меңгертуге бағытталған. Курстың мақсаты – мұғалімдердің пәндік құзыреттіліктерін жетілдіріп, математиканы терең және тиімді оқытуға ықпал ету. Бағдарлама бірнеше маңызды математикалық тақырыптарды қамтиды: мәтін есептерді талдау және шешу, сандар теориясы, планиметрия, квадрат теңдеулер мен теңсіздіктер, тригонометрия, сондай-ақ АКТ-ны қолдану әдістері. Курстың практикалық маңыздылығы мұғалімдерді күрделі математикалық мәселелерді шешуге және оқыту үрдісін қызықты әрі қолжетімді етуге бағытталған. Оқу үдерісінде қатысушылар тек теориялық біліммен шектелмей, оны нақты есептерде қолдану арқылы өз дағдыларын жетілдіреді. Сонымен қатар, курс барысында "Математика апталығы" және "Математикалық регата" секілді іс-шаралар ұйымдастырылып, командалық жұмыс және пәнге қызығушылықты арттыруға мүмкіндік береді. Микрооқыту әдістері мұғалімдердің білімін тереңдетіп, қарқынды оқытудың бірегей мүмкіндіктерін ұсынады. Курсты аяқтаған соң, мұғалімдер оқушылардың математикаға деген қызығушылығын арттырып, олардың оқу процесін тиімді ұйымдастыруға дайын болады."